Ponovo gorjelo na visoravni Konjsko, mještani ugasili požar

Novi požar izbio je jutros na visoravni Konjsko, na lokalitetu Zeleni brijeg. Kako su portalu RTNK saopštili iz Agroturističkog klastera „Zeleni brijeg“, gorjelo je nisko rastinje u blizini Rozina vrha.

- Požar su primijetili oni mještani koji koriste katune na Konjskom. Nekoliko njih se angažovalo i ugasili su požar- kazali su iz Agroturističkog klastera.

Požar na visoravni Konjsko bio je aktivan i krajem decembra, a ugašen je intervencijom mještana.

Visoravan Konjsko sa jedne strane graniči se sa planinom Lukavicom, a sa druge Vučjem.