Usljed zategnutih odnosa sa međunarodnim partnerima zbog situacije na sjeveru, kosovska vlada je angažovala agenciju za lobiranje u Vašingtonu, prenosi Juronjuz Albanija.

U dokumentu koji je ekskluzivno dostavljen Juronjuzu, navodi se da će lobistička agencija sa kojom je Vlada Kosova potpisala ugovor u vrijednosti od 147.000 eura pružati strateške savjete i vršiti predstavljanje u SAD, prenosi Kosovonline.

Prema ugovoru koji je potpisala ministarka spoljnih poslova i dijaspore Kosova Donika Gervala-Švarc, kompanija će pružati savjete, podršku i baviti se komunikacijom sa zakonodavnim i izvršnim ograncima američke vlade u cilju poboljšanja bilateralnih odnosa između SAD i Vlade Kosova.

Ugovor koji je potpisan 26. juna između Ministarstva spoljnih poslova i dijaspore Kosova i predstavnika lobističke kompanije Amerikanca albanskog porekla Avnija Mustafaja, stupio je na snagu 3. jula i važi godinu dana.