Slavni pisac Salman Ruždi, kome godinama prijete smrću nakon što je napisao Satanske stihove, napadnut je na bini u američkoj saveznoj državi Njujork.
Iz tamošnje policije naveli su da je Ruždi izboden u vrat i da je prebačen u bolnicu, prenosi Rojters. Za sada nije poznato u kakvom je stanju.
Svjetske agencije prenose da je bivši dobitnik Bukerove nagrade u to vrijeme bio predstavljan na događaju u Instituciji Čautakua. Napadač je uhapšen.
Svjedoci su prethodno rekli da su vidjeli muškarca kako trči na binu i udara ili nožem ubada Ruždija.
Na video snimku objavljenom na mrežama vidi se kako učesnici žure na binu odmah nakon incidenta.
