Ršumović je omiljeni pisac za djecu, i vrlo često priča o svom radu. Tako je u jednoj emisiji ispričao kako je nastala pjesma “Miš je dobio grip”, kao i ko je “inspirisao” jedan njen dio, piše City Magazine.

- Ta pjesma je nastajala tri godine, a počelo je sve na jednom sindikalnom sastanku na Televiziji. Moj kolega Sloba Novaković je svaki čas tražio riječ i počinjao je ‘sa moje tačke gledišta, to bi trebalo’…i ja bih tu zapisao ‘sa moje tačke gledišta, nije ti ništa‘“, kazao je on.

Rečenica je ostalo u bloku šest mjeseci.

- Posle šest mjeseci, vidim je i pomislim ‘sa moje tačke gledišta’, ko bi to mogao kaže…može vuk jagnjetu, ovci, može mačak mišu. Odatle je krenulo zašto mačka mišu to kaže, pa sam smislio doktora nakon dvije godine i tek treće cijelu pjesmu, naveo je on.