Iako im je glavna namjena igranje tenisa, loptice mogu biti vrlo korisne kod pranja i sušenja odjeće. Posebno su dobre kod pranja pernatih jakni, jastuka, peškira i plišanih igračaka, koje će učiniti mekanim. Takođe, običnu odjeću čine bar dvostruko manje zgužvanom. Potrebne su vam samo dvije teniske loptice, koje ćete prvo ubaciti u mašinu za veš s odjećom koju planirate oprati. Procedura je, kao i inače, deterdžent i omekšivač po izboru, a jedina novost su teniske loptice. Kako se mašina okreće, okreću se i loptice i na prirodan način ravnaju odjeću. Kad izvadite odjeću, primijetićete da ima mnogo manje nabora.

Teniske loptice korisne su i u sušilici. Većinu nabora na odjeći će ukloniti i oslobodiće vas peglanja.

Ukoliko nemate loptice pri ruci, još jedan od načina je da u sušilicu ubacite dvije kockice leda i uključite na najjači program. Važno je da ne prepunite sušilicu kako bi efekt bio bolji.