Engleski i španski mediji tvrde da samo sitnice dijele Marka Asensia od transfera u Aston Vilu. 

Krilni igrač Reala će se kao slobodan igrač preseliti u Birmingem.

Odbio je ponude Milana i Juventusa, koji mu jednostavno ne mogu ponuditi platu kakvu će dobijati ​​u Aston Vili.

Ugovor 27-godišnjem Asensiju ističe u junu, a "Marka" prenosi da je već odbio ponudu da ostane u Real Madridu, te da je procijenio da će imati lidersku ulogu u Vili, sa kojom će igrati u Ligi konferencija.

Asensio je postigao 52 gola u 262 nastupa za Real Madrid, osvojivši tri Lige šampiona i tri trofeja La Lige.