Uprkos minimalnoj minutaži ove sezone, Eden Azar inzistira na tome da ima budućnost u Real Madridu.

Belgijanac planira da dočeka posljednju sezonu svog ugovora sa "kraljevskim" klubom.

Ukupno je ove sezone odigrao 331 minutu, a ponovno je bio na klupi u finalu "Kupa kralja" protiv Osasune.

Igrač za kojeg je Real platio 100 miliona eura nema veliku prisutnost u ekiipi Karla Anćelotija, ali to ne znači da planira da ode.

“Nadam se da ću igrati. Bila je ovo teška godina, ali godina u vrlo velikom klubu. Imam odličan odnos s trenerom i igračima. Želim da igram, ali znam da je sada teško. Samo moram da radim i nadati se da ću dobiti veću šansu", rekao je Azar.

Azar, koji je u Čelsiju bio megazvijezda, ove sezone je kao zamjena ostao na klupi čak 37 puta, a u 2023. godini ima samo tri nastupa.