Golman Budućnosti Đorđije Pavličić nokautirao je svog saigrača Igora Ivanovića u trenutku kada to niko nije očekivao. Napadač Budućnosti našao se na travi, a Pavličić je nakon toga otrčao u svlačionicu. Na tribinama je tada bio mali broj ljudi, malo njih je sve ovo vidjelo, a nije vidio ni strateg plavih Ivan Brnović.

-Bio sam u svlačionici i nijesam to vidio. Čuo sam, to su stvari koje ćemo rješavati unutar ekipe. Nemam komentar, razgovaraću sa igračima, pa ćemo vidjeti da riješimo taj problem – rekao je nakon meča trener Budućnosti Ivan Brnović.

Budućnost i Sutjeska su igrali neriješeno 2:2, pa su plavi sada korak dalje od titule.

-Ovim remijem smo smanjili šanse da dođemo do prvog mjesta, ali ima još četiri kola do kraja i ništa nije gotovo. Borićemo se dok god postoji teorija. Nećemo odustajati- dodao je Brnović.