Danin Talović otišao u Kirgistan

Rudar je ostao bez svog najboljeg igrača i strijelca Danina Talovića. Ovaj dvadesetosmogodišnji napadač karijeru će nastaviti u Kirgistanu, u redovima tamošnjeg šampiona Dordoi Bišeka.

-Dobre partije u prvom dijelu sezone lansirale su našeg najboljeg igrača i strijelca u Kirgistan, u klub koji je u poslednjih pet godina tri puta bio prvak. Daninu želimo puno sreće i da se vrati sa titulom šampiona – objavio je Rudar na svojim društvenim mrežama.

Talović je u ovoj sezoni odigrao 23 utakmice u dresu pljevaljskog kluba i postigao je pet golova.