Nakon odličnog otvaranja sezone u Seriji A trener Intera Simone Inzagi produžio je ugovor na godinu dana, do 2025.
47-godišnji Inzagi je prošle sezone vodio Inter do finala Lige šampiona gdje je njegov tim poražen od Mančester sitija sa 1:0.
Pod njegovim vođstvom, Inter je osvojio posljednja dva izdanja Kupa Italije.
Prije Intera, Simone Inzagi je bio na klupi Lacija od 2016. do 2021. godine.
Inter je trenutno lider u Seriji A sa devet bodova, koliko ima i Milan sa kojim će i sastati u narednom kolu 16. septembra.
