Juve silan u Lećeu, dva gola Dušana Vlahovića

Juventus je nastavio sa sjajnim partijama u Seriji A – ekipa trenera Masimilijana Alegrija pobijedila je na gostovanju ekipu Lećea sa 3:0 i tako upisala petnaesti uzastopni meč bez poraza.

„Staru“ damu je do pobjede još jednom vodio reprezentativac Srbije Dušan Vlahović. Postigao je dva gola, prvi u 59. minutu na asistenciju Kambijasa, a drugi devet minuta kasnije, kada je sa gol linije ubacio loptu u mrežu nakon udarca Mekenija. Konačnih 3:0 postavio je Brazilac Bremer u 85. minutu.

Torinezi su nakon ove pobjede lideri na tabeli, imaju 52 boda, jedan više od Intera, ali i meč više od najvećeg rivala.