Njukasl osmicom ponizio Šeflid junajted na "Bramal lejnu"

Njukasl je osmicom u gostima zatvorio šestu rundu Premijer lige - "svrake" su ponizile Šeflid junajted na "Bramal lejnu" (8:0). Ovim je Njukasl izjednačio najubjedljiviju pobjedu u Premijer ligi, protiv takođe kluba iz Šefilda. Samo te 1999. Venzdej je i to na "Sent Džejms Parku" pretrpio ovakvo poniženje

Ekipa Edija Haua je odigrala najbolju utakmicu u sezoni, a mrežu Šefilda je treslo osam različitih igrača.

Kanonadu je u 21. minutu otvorio Šon Longstav. Zatim je 10 minuta kasnije to učinio Den Brn, a potom je brzo gol postigao i Sven Botnam. U 56. minutu bilo je 0:4 kada je Kalum Vilson iskoristio, tada već treću asistenciju Kirana Tripijea! Zatim su se upisivali još i Entoni Gordon, Migel Almiron, Bruno Gimaraeš i Aleksander Isak.

Njukasl je upisao treću pobjedu i dijeli osmo mjesto sa Mančester junajtedom, dok je Šefild je zakucan za dno sa samo jednim bodom.