Alba je nastavila dominaciju u domaćem šampionatu.

Sastav iz Berlina je treći put uzastopno, a ukupno 11. osvojio titulu prvaka Njemačke.

"Albatrosi" su u četvrtom meču finala plej-ofa savladali Bajern 96:81 (26:17, 26:19, 24:18, 20:27), za konačnih 3:1 u pobjedama.

U četvrtoj utakmici, dileme nije bilo. Alba je u “Audi domu” u Minhenu bila riješena da sve završi bez majstorice, pa je već na poluvremenu vodila sa 52:36. 

Ispostavilo se da je tada riješeno pitanje pobjednika, ostatak meča bila je stvar rutine za goste.

Džalen Smit je za pobjednike dao 23 poena. Johanes Timan je upisao 15, Tamir Blat 14, a Kris Kumađe 11.

U redovima Bajerna, najefikasniji je bio Ogast Rabit sa 15 koševa.

Dvocifreni su bili Dešon Tomas (12), Andreas Obst (11) i Nihad Đedović (11).