NBA pojačanja za Fenerbahče, potpisao Luka Šamanić

Nakon pet godina iskustva u NBA ligi i G-Ligi, 24-godišnji Luka Šamanić (24, 208) se vraća u Evropu.

Devetnaesti pik na NBA draftu 2019, potpisao je jednogodišnji ugovor sa Fenerbahčeom.

U najjačoj ligi na svijetu, igrao je za San Antonio, Njujork i Jutu.

Tokom NBA regularne sezone 2023/24. godine, imao je prosječnih 4,1 poen i 2,4 skoka u 43 nastupa za “džezere”.

Posljednji put je igrao u Evropi tokom sezone 2018/19. kada je nosio dres ljubljanske Olimpije.

Ponikao je u mlađim kategorijama Barselone, a za B tim je nastupao u sezoni 2017/18.

On je peto pojačanje Fenerbahčea za narednu sezonu.

Prije njega, stigli su Vejd Boldvin, Bonzi Kolson, Nikolo Meli I Devon Hol.