Papapetru: Izdržali smo sve udarce

Jedan od najzaslužnijih za pobjedu crno-bijelih bio je grčki košarkaš Joanis Papapetru.

On je odigrao vjerovatno i najbolji meč u crno - bijelom dresu u sezoni.

– Ušli smo agresivno u prvom poluvremenu i dominirali. Žalgiris se potom vratio, što smo znali da mogu jer su dobar tim. Znali smo da se uvijek bore do kraja. Arena i navijači su nevjerovatni. Zaslužili su čestitke, ali mi smo se držali plana igre. Znali smo da mogu da uzvrate, ali smo izdržali sve udarce. Jesmo napravili neke greške, ali smo uspjeli da se dokopamo veoma važne pobjede – rekao je Papapetru, prenosi Sport klub.

Partizan sada ima skor od 12 pobjeda i 11 poraza i u zoni je plej-ofa.