Ostao je Mornar na svega jednoj pobjedi u ABA ligi i opstanak je sve dalje.

Četvrtina i po dobre igre, nije bila dovoljna da se savlada Spartak.

Posebno loše, Barani su odigrali psoljednju dionicu, koja je i odlučila pobjednika. 

- Svaki poraz je težak, pogotovo u situaciji u kojoj se mi nalazimo. Želio bih da čestitam ekipi Spartaka na zasluženpj pobjedi, na kraju je kvalitet i iskustvo odlučilo. Što smo i mi greškama pružili, oni su oberučke prihvatili i slavili. Želio bih da čestitam i mojim igračima na 30 minuta dobre igre, kada to kažem govorim o prvih 15 minuta prvog poluvremena, to je ustvari bio i ključni momenat utakmice. Kod rezultata 36:23, pet minuta prije kraja smo pali u koncentraciji, nismo dali nijedan poena, a oni su napravili seriju 11:0 iz naši9h grešaka u odbrani i vratili ih u igri. Bilo je dobrih momenata u drugom dijelu, napravili smo sedam razlike, ali ove godine imamo problema sa iskustvom igranja ABA lige. Umjesto da čuvamo mudro prednost i da igramo pametno, umorimo se da napravimo razliku, a onda za minut dva sve prospemo. Šta je tu je, nema dalje. Ovih 30 minuta koji su bili jako dobri protiv kvalitetne ekipe me raduje da do kraja sezone možemo biti optimisti. Problem je kratka rotacija, pali smo posljednjih pet minuta prvog poluvremena i posljednja tri minuta utakmice. U takvim situacijama se gubi koncentracija, a to je Spartak kaznio - istakao je Mihailo Pavićević, trener Barana.