Košarkaš Galatasaraja Deron Rasel impresionirao je na debiju u Ligi šampiona.

Američki plejmejker je učestovao u pobjedi svog tima protiv Limoža (100:73) u okviru utakmice Lige šampiona koja se igrala u "Sinan Erdem Domu".

Rasel je u igru ušao sa klupe na svom debiju i u igri proveo skoro 24 minuta.

Za to vrijeme je postigao 20 poena, od čega pet trojki. Imao je i šest asistencija za indeks 24.

Rasel je nedavno stigao iz Mornara gdje je pružio nekoliko partija za pamćenje.

Ove sezone je u dresu Barana postavio rekord ABA lige po broju postignutih poena kada je u drugom kolu protiv Zadra postigao 47 poena.