Crna Gora nije uspjela da parira Litvaniji, sem u prvoj četvrtini.
Ubjedljivo je poražena i sada je put do četvrtfinala izuzetno težak.
Slijede dueli sa Amerikom i Grčkom.
- Danas sam promašio šuteve koje dajem kroz cijelu karijeru, to je sport, to je košarka. Ako ne daš to protiv ovakve ekipe, ne ide. Dobro smo se držali dvije i po, tri četvrtine. Oni su odigrali dobru utakmicu, čestitam im, nisu nam dali lake poena, oni su pogađali. Zasluženo su pobijedili, krivo nam je što je ovolika razlika, nije nas htjelo, okrećemo se narednim mečevima - istakao je Nikola Vučević.
MArko Simonović je u prvoj dionici dao 11 poena, a nakon toga je imao malu minutažu. I on se složio sa Vučevićem, da je Litvanija zasluženo dobila.
- Otvorio sam utakmicu na pravi način, odigrali smo prvu četvrtinu onako kako smo se dogovorili, ispogađali smo šuteve. Poslije smo pali, oni su igrali agresivno, poremetili su nas, pogotovo u drugom poluvremenu. Moramo da se fokusiramo na sljedeće utakmice i da pokušamo da završimo šampionat na pravi način - obasnio je SImonović.
