Fernando Alonso sa svojim Aston Martinom jedno je od najugodnijih iznenađenja ove sezone u prvenstvu Formule 1.

Španski veteran uspio se četiri puta popeti na pobjedničko postolje, čime je preuzeo ulogu koju je Ferari imao iza dvojca Red Bula prethodne sezone.

Kao bivši vozač Ferarija, nije propustio priliku da komentariše situaciju u kojoj se nalazi italijanska ekipa, za koju kaže da je gora nego kad je on sam bio tamo.

“Sa Ferarijem smo bili u borbi svake sezone i gotovo nikad nismo griješili. Dva puta smo se do posljednje trke borili za titulu. Na sreću za mene i za Aston Martin, sada je Ferari manje stabilan nego kad sam ja bio tamo", rekao je Alonso.