Oskar Pjastri, vozak MekLarena, osvojio je Veliku nagradu Bahreina.

Australijanac je na stazi „Sakir“ zabilježio svoju drugu pobjedu u karijeri.

Pjastri je pobedio ispred Džordža Rasela iz Mercedesa i timskog kolege Landa Norisa.

Odvezao je briljantnu trku, startovao je sa pol pozicije i nije vodio samo u trenutku kada je prvi put ušao u boks.

Nakon toga je izdržao nalet Rasela kada je u 35. krugu napustio stazu.

Druga pobjeda u karijeri za Pjastrija, a ujedno i prva za MekLaren na stazi u Bahreinu.

Iza najboljih trojice plasirali su se vozači Ferarija: Šarl Lekler i Luis Hamilton, Maks Ferstapen (Red Bul), Pjer Gasli (Alpin), Esteban Okon (Has), Juki Cunoda (Red Bul) i Oliver Berman (Has).

Noris je zadržao prvu poziciju u generalnom plasmanu sa 77 bodova, tri više ima od timskog kolege Pjastrija (74). 

Prati ih Ferstapen sa 69, Rasel je četvrti sa 63, dok Lekler ima 32 i nalazi se na petom mjestu.

Peta trka u sezoni voziće se narednog vikenda, 20. aprila u Saudijskoj Arabiji.