Produžen pritvor za 30 dana ocu dječaka koji je počinio masovno ubistvo u školi

Viši sud u Beogradu produžio je pritvor do 30 dana Vladimiru K, ocu dečaka koji je 3. maja u Osnovnoj školi "Vladislav Ribnikar" ubio devet vršnjaka i čuvara te škole.

Pritvor je Vladimiru K. produžen da ne bi ponovio krivično djelo, kao i s obzirom na to da je osnovano sumnjiv da je izvršio krivično djelo za koje je propisana kazna zatvora preko deset godina, a način izvršenja i težina posljedica krivičnog djela doveli su do uznemirenja javnosti koje može ugroziti nesmetano i pravično vođenje krivičnog postupka, navodi se u saopštenju tog suda.

Majci dečaka Miljani K. je prije dva mjeseca određena mjera zabrane prilaženja, sastajanja ili komuniciranja sa određenim licem, odnosno kojom joj je zabranjeno da prilazi, sastaje se ili komunicira sa sinom K. K, svjedokom u ovom postupku.

Vladimiru K. je optužnicom, koja je 10. oktobra predata Višem sudu na potvrđivanje, na teret stavljeno teško krivično djelo protiv opšte sigurnosti, dok je Miljani K. na teret stavljeno izvršenje krivičnog djela nedozvoljena proizvodnja, držanje, nošenje i promet oružja i eksplozivnih materija, piše N1.