Demokratska narodna partija (DNP) sa čuđenjem primjećuje da je Tihomir Dragaš, osim funkcije predsjednika borda TO Montenegro, izgleda postao i portparol Monstata u odbrani namjerne opstrukcije u objavljivanju rezultata popisa, kazala je Todorović.

- Jedino nam nije jasno da li je stav gospodina Dragaša, i stav Monstata, pošto se on oglasio kao i član komisije za specifikaciju softvera i revizija koda. Koliko god zvučala impresivno jos jedna u nizu funkcija gospodina Dragaša, građani a ni javnost nisu nimalo impresionirani ovakvim i sličnim objašnjenjima zašto ni nakon devet mjeseci nemamo objavljene rezultate popisa - kazala je Todorović.

Ističe da DNP otvoreno sumnja da se radi klasičnoj zloupotrebi čelnih ljudi u Monstatu,  ali i u nadaleko čuvenoj komisiji za specifikaciju softvera i reviziju koda, "kojima očigledno ne odgovaraju rezultati popisa, te na svaki način pokušavaju da odlože objavu rezultata ili da ublaže projekciju koja bi za neke društveno političke strukture bila poražavajuća".

Dragaš: Podaci o popisu tek kad bude provjeren i gotov softver

- DNP zato smatra da izvršnog direktora Monstata Miroslava Pejovića treba smijeniti sa ove odgovorne funkcije, jer je svojim (ne)radom doveo u pitanje istinitost rezultata koji će jedne godine morati biti objavljeni. Crnoj Gori nije potreban još jedna instiuticonalna afera, a DNP joj sigurno neće davati legitimitet ćutanjem ili objavom korisnih nejasnoća koje smo imali priliku danas da čujemo - kazala je Todorović