U organizua edhe tryeza e rrumbullakët me temën "Bashkësia ime lokale, problemi im", ku pjesëmarrësit folën për bashkësitë e veta lokale dhe problemet me të cilat ballafaqohen sa i përket mbrojtjes së mjedisit jetësor dhe si mund ta ndihmojnë të rinjtë zgjidhjen e këtyre problemeve.

Kryetari i Komunës së Gucisë Anella Çekiq gjatë hapjes së kampit tha se e përkrah zhvillimin e kapaciteteve intelektuale tek të rinjtë.

Kryetari i Komunës së Plavës Nihad Canoviq i tha pjesëmarrësve të Eko-kampit të jenë kreativ, të vetëdijshëm, të motivuar dhe të përqendruar në zhvillimin personal, sepse kjo është mënyra e vetme e zhvillimit të përgjithshëm.

- Komuna e Plavës do të punojë për përmirësimin e statusit të të rinjve, sepse të rinjtë të cilët e shfrytëzojnë potencialin e vet në mënyrë të drejtë janë garanci e zhvillimit shoqëror – theksoi Canoviq.

Pjesëmarrësit e Eko-kampit u përshëndetën nga drejtorja e Organizatës Turistike (OT) të Plavës Samira Canoviq dhe drejtori i OT Guci Irfan Radonçiq.

Eko-kampi u organizua nga organizatat turistike të Gucisë dhe Plavës në bashkëpunim me OJQ Euromost, e me përkrahjen e komunave të Gucisë dhe Plavës.