Mitropolit crnogorsko-primorski Joanikije služio je danas u manastiru Svetih arhangela na Miholjskoj Prevlaci kod Tivta, aprilikom je poručio da su obične “laži i petljavine” da su Rusi podrivali Crnu Goru.

Mitropolit je, kako je prenio portal Mitropolije, u čin rase i kamilavke zamonašio poslušnicu Fotiniju, davši joj ime Melanija po prepodobnoj Melaniji starijoj.

Joanikije je novoj monahinji Melaniji čestitao monašenje, rekavši da je ona došla iz Rusije i da se ovdje dugo pripremala za ovaj čin.

- Došla je iz ruske zemlje, ne da se bavi politikom kao što sad cijelo vrijeme trabunjaju i lupetaju kako svaki Rus koji dođe ovdje širi ‘maligni ruski uticaj’ i da se bavi politikom i da podriva Crnu Goru. Кad su to Rusi podrivali Crnu Goru? To nikada nije bilo. I to su obične laži i petljavine. Radi se o nečem drugom, a vi svi dobro znate o čemu se radi. Nego nećemo sad o tome, naše je da se Bogu molimo, ali hoćemo da kažemo da nijesmo imbecili i idioti, pa da ne znamo o čemu se radi - zaključio je mitropolit.