Popularna pjevačica Katarina Grujić poznata je po nekoliko bliskih prijateljstva sa koleginicama sa estrade, a nedavno se i okumila sa jednom. Andreana Čekić je bila kuma na Kaćinom vjenčanju sa poznatim fudbalerom, Markom Gobeljićem, a njih dvije gaje blisko prijateljstvo sa još nekoliko koleginica sa scene, uključujući i Tamaru Milutinović. Ipak, da postoje trzavice na estradi Katarina je sada priznala u jednoj emisiji na "Blic TV-u".
Na pitanje da li je primijetila da je neko od kolega ne voli, odnosno da ima nešto protiv nje, a da joj to nije otvoreno rekao, ona je odgovorila "Apsolutno", a potom otkrila kako reaguje na to.

-Ne znam, kako mi dođe. Ako sam raspoložena onda volim i ja da pecnem, a kad nisam raspoložena samo se nasmijem i nastavim svojim tokom. Svakako nastavim svojim putem i ne razmišljam o tome. Nisam skoro imala da sam nekog srela, da znam da me ne voli, a da mi se javi ili tako nešto- kazala je Katarina.