Madona je koncertom u Londonu, započela turneju "Celebration". Ovo je označilo veliki povratak zvijezde, međutim primetan je nedostatak energije nakon bolesti koja ju je udaljila iz medijskog života, prenosi tportal.
Izvođenje najvećih hitova planiranih za jul, odloženo je, nakon što je Madona hospitalizovana na intenzivnoj njezi zbog ozbiljne bakterijske infekcije.
„Stvarno sam iznenađena što sam dogurala ovako daleko“, rekla je obožavaocima u O2 areni.
Noseći korset i lance koji su obilježili njen proboj na muzičku scenu, otpjevala je „Into The Groove“ prije nego što ju je problem sa zvukom natjerao da govori o svojim ranim borbama u Njujorku.
S obnovljenom pjesmom „Holiday“ iz 1983. ponovo je stvorila hedonistički atmosferu njujorških klubova prije pojave AIDS-a, pa je odala počast onima koji su umrli od ove bolesti.
Religijske slike s dozom seksualnosti, koje su Madonu uzdigle od pop zvijezde do kulturne ikone, bile su pozadina za „Like a Prayer“, dok je hit „Vogue“ iz 1990-ih binu pretvorio u modnu pistu.
Madona se osvrnula na situaciju na Bliskom istoku rekavši da se „u svijetu događa puno ludih stvari kojima je bolno svjedočiti“.
„Iako su nam srca slomljena, naš duh ne može se slomiti“, dodala je.
Sedmostruka dobitnica nagrade Gremi pomjerila je sjevernoamerički dio turneje za početak decembra.
