![<p>Sa meča na Zlatiboru</p>](https://static.dan.co.me/images/slike/new/2024/09/06/h_1949613_220.jpg)
Osvajač Kupa Crne Gore poražen je u Podujevu od domaćina sa 1:0, nakon jedne očajne partije, pogotovo u drugom poluvremenu, kada izabranici Ivana Brnovića nisu bili ni blizu neke situacije da ugroze gol rivala.
-Mislim da smo prvo poluvrijeme odigrali taktički dobro, iz niske i srednje zone smo neke situacije gdje smo mogli bolje da reagujemo. Napravili smo tri, četiri polušanse i ništa nije nagovještavalo da će se stvari promijeniti u nastavku. Međutim, fizički smo pali, onda se ni taktički nismo držali dogovora jer smo pokušali nešto prema naprijed odnosno da izađemo visoko bez razloga. Upravo iz takve situacije smo primili gol - rekao je Brnović.
Revanš je narednog četvrtka pod Goricom, ali je jasno da “plavi” moraju mnogo bolje od ovoga kako bi prošli u drugo kolo.
-Mališeva se pokazala kao dobar tim, fizički spreman, to je negdje i presudilo na kraju. Izgubili smo, ali imamo aktivan rezultat. U revanšu ćemo probati da nadoknadimo propušteno i sigurno da će biti teško – istakao je Brnović.