Alen Omić i Cedevita Olimpija nastavljaju saradnju.
Iskusni centar je danas potpisa novi dvogodišnji ugovor sa šampionom Slovenije.
- Kada sam se vratio u Ljubljanu rekao sam da mi je ovo drugi dom i srećan sam što ostajem u Cedevita Olimpiji. U sezoni koja je iza nas napravili smo veliki korak napred, navijači su se vratili u halu i želim da na svakoj našoj utakmici kod kuće tribine budu pune, a mi ćemo se pobrinuti da kući odu zadovoljni. Vjerujem da možemo da napravimo iskorak u novoj sezoni i pozivam navijače na sve utakmice koje su pred nama - rekao je Omić.
On je u Ljubljanu stigao krajem novembra 2021. godine.
U Evrokupu je imao prosjek od 8,8 poena, 7,3 skoka i dvije asistencije po meču.
Kada je Aba liga u pitanju, tu je imao prosječan učinak od 7,9 koševa uz 6,4 uhvaćene lopte i 1,9 uspješnih dodavanja.
Karijeru je počeo u Zlatorogu iz Laškog.
Potom je igrao za Olimpiju, Gran Kanariju, Anadolu Efes, Unikahu, Hapoel Jerusalim, Crvenu zvezdu, Budućnost Voli, Emporio Armani i Burg, odakle se vratio u Sloveniju.
