Prvo grend slem polufinale pred svojom publikom - Amerikanka Ema Navaro pobjedom protiv Špankinje Paola Badose sa 6:2, 7:5 u prvom četvrtfinalu ostvarila je uspjeh karijere na Ju-Es openu.

Trinaesta teniserka svijeta je ove godine igrala i četvrtfinale na Vimbldonu, da bi na domaćem grend slemu u Njujorku otišla korak dalje, uz veliki preokret u drugom setu četvfrtfinalnog duela. Nakon što je ubjedljivo dobila prvi set, u drugom je Navaro gubila sa 1:5, a onda je nanizala šet gemova i ostvarila 52. pobjedu u ovoj godini i osiguarala ulazak u Top 10 na VTA listi.

Rivalka Navaro u borbi za finale biće bolja iz duela Arine Sabalenke i Ćinven Dženg.