Iako prvi teniser svijeta, nije Janik Siner ušao kao preveliki favorit u finalni okršaj mastersa u Sinsinatiju sa Frensisom Tijafoom. Razlozi za to su jasni, ne baš sjajna forma praćena nedavnom upalom krajnika i povredom kuka.
Međutim, proigrao je Italijan kada je najpotrebnije i u borbi za pehar u Ohaju porazio Amerikanca 2:0(7:6(7:4), 6:2).
Nagovještavao je razvoj događaja u prvom setu, da ćemo gledati još jedan maraton i mučenje Sinera. Bolje je na terenu izgledao Tijafo i koristeći veliki broj neiznuđenih grešaka rivala češće dolazio do brejk lopti.
Ipak, prvi reket planete je uprkos svemu održao egal i dočekao svojih pet minuta pri rezultatu 6:6. Taj-brejk ispostavio se kao prekratnica daljeg toka meča, pošto je Siner napravivši tri mini-brejka došao do vođstva 1:0.
Svaka nezvjesnost u finalu završena je u prvom setu. Furioznim izdanjem u drugom dijelu igre šampion ovogodišnjih Australijan open-a i Majamija prepustio je protivniku samo dva gema i vratio se na pobjedničke staze. Reklo bi se u najboljem mogućem momentu pred posljednji Grend slem u sezoni, Ju-Es open.
