Utakmicu 2. kola grupne faze "Arena kupa" u Medulinu ekipa Arsenala je savladala gruzijski Kolketi Kobi rezultatom 3:1 .

Prvo poluvrijeme je završeno rezultatom 0:1 u korist FK "Kolkheti Khobi" iako su isti imali i šansu da povećaju vođstvo preko dosuđenog jedanaesteraca u 25 minutu, ali je golman "Arsenala" Igor Nikić odličnom intervencijom odbranio šut odnosno uhvatio "zivu loptu", dok je FK "Arsenal" mnogo boljom igrom u drugom poluvremenu preokrenuo rezultat.

Nakon slobodnog udarca sa lijeve strane na početku drugog poluvremena, glavom je izjednaćio Ćetko Manojlović tako što je loptu poslao pored desne stative, dok je Danilo Bakić povecao na 2:1 efektnim šutem sa dvadesetak metara sa lijeve strane i poslao loptu preko nemoćnog golmana Gruzijaca u gornji desni ugao.

Konačan rezultat postavio je danas dvostruki strijelac Manojlović, koji se najbolje snašao u gužvi koja je nastala u petercu poslije centaršuta i akcije preko lijeve strane Tivćana.