Konzumiranje mandarina u našoj tradiciji i kuhinji veže se za period jeseni i zime.

Iako se najčešće jedu svježe, ovaj put donosimo recept za kolač sa omiljenim voćem koji će donijeti potrebnu dozu C vitamina u hladnim danima.

Ovaj jednostavan recept pronašli smo na italijanskom Jutjub kanalu, a za pripremu nije potrebno mnogo vremena.

Međutim, pečenje ipak zahtijeva 40-ak minuta.

Sastojci:

9 mandarina, 2 jajeta, prstohvat soli, 100 gr šećera, 150 ml suncokretovog ulja, 160 ml vode, kora 1 mandarine, 15 gr praška za pecivo, 220 gr brašna, šećer u prahu za ukrašavanje.

Priprema:

Oguliti osam mandarina i isjeći ih na pola. Pleh ili tepsiju namastiti, pa preko staviti papir za pečenje.

Ivice kalupa posuti brašnom, a nakon što istresete višak preko papira za pečenje posuti malo šećera. Preko toga poređati polovine mandarina.

Preostalu štapnim mikserom izmiješati sa dva jajeta pa procijediti komadiće. U smjesu dodati 100 grama šećera pa promiješati. Zatim dodati ulje i promiješati.

Dodati prstohvat soli pa izmiješati, potom vodu pa ponovo promiješati. Prosijati brašno i prašak za pecivo pa dodati u smjesu i promiješati. Narendati koru mandarine pa promiješati.

Preliti smjesu preko mandarina naređanih u pleh, te staviti da se peče 40 minuta na 180 stepeni. Nakon pečenja prevrnuti kolač i izvaditi iz tepsije.

Preko kolača posuti šećer u prahu i ostaviti da se ohladi.