Ako postoji sveto trojstvo među jaknama, to su, bar proteklih sezona bili trenč kaput, kožna jakna i preveliki blejzer. Iako su ove jakne za jesen neprolazne i sigurno ćemo ih gledati i u sezoni 2024. godine, napokon je došlo vrijeme da malo promijenimo jesenji izgled i unesemo diverzifikaciju. Stiže nam 5 novih trenova kada su u pitanju jesenje jakne i neki su od njih krajnje neočekivani.
Kakve su najmodernije jakne za jesen 2024?
Piste za sezonu jesen/zima 2024. dale su nam pregled stilova kaputa i jakni koji će se nositi u mjesecima pred nama. I ako počnemo da analiziramo revije, od Jil Sandera do Chanela, postaje jasno da jesenje jakne stižu u pet osnovnih oblika:
teksas jakne
jakne sa leopard printom
prsluci
blejzeri u svijetlim bojama
pelerina i pončo.
Najmodernije jakne za jesen 2024:
Teksas jakne i mantili
Denim jakna doživljava zasluženu renesansu. Bilo da se poigravate basic komadima odeće, da nosite total denim autfite, ili samo tražite ležernu jaknu uz svoje mokasine – denim jakna je odličan izbor. Predimenzionirane, strukirane, mantil jakne ili krop, stilisti su vam zaista ostavili širok izbor. Ipak, naš predlog je teksas bomber – to je model koji biraju zvijezde ulične mode ove godine.
Jakne sa leopard printom
Ako bas je oduševio povratak animal printova, tačnije leopard dezena, početkom 2024. godine, stiže još jedna dobra vijest – leopardove tačkice će biti još prisutnije! Ovaj print se pojavio na jaknama i kaputima na istaknutim pistama kao što su Christian Dior i Balenciaga. A ako želite još smeliji izgled – dodajte odgovarajuću torbu ili šešir sa leopard printom.
Najmodernije jakne za jesen 2024. su – prsluci!
U jesen 2024. prsluk postaje glavna odjeća. Prošiveni, pačvork, sa dezenom, kožni, radnički, klasični… E, to je već vaš lični izbor. Funkcionalnost i svestranost prsluka vratila ih je u centar jesenje mode. Nosite ih umjesto majice u toplijim danima, a preko nje kada temperatura padne.
Blejzeri jarkih boja
Svijetli blejzer nudi savršen sezonski kontrast inače prigušenim tonovima jeseni. Uparite jarko crveni, zeleni ili žuti blejzer sa neutralnom odećom kao što su farmerke i majica, midi haljina ili odjeća za teretanu. Za dodatnu notu, vežite svoj blejzer neusklađenim kaišem, baš kao na Chanel pisti za 2024.
Pelerina i pončo su najveće osvježenje jeseni
Nedjelja mode u Njujorku u centar jesenjeg autfita je stavila ogrtač: pelerinu i pončo.Raspon stilova je prilično širok, od pletenih ogrtača i kaputa sa šalom, do ponča od tvida. Na glavnoj ulici ćete pronaći ogrtače i kabanice koje su praktične za jesenje vremenske prilike.